Lâubâlî gezerim def-i ubâl eylemişem
Sâye-i muğbeçede ref’-i melâl eylemişem
Sâye-i muğbeçede ref’-i melâl eylemişem
Var sandım dehn-i yâr-ı temennâ etdim
Yok imiş bilmemişem fikr-i muhâl eylemişem
Yok imiş bilmemişem fikr-i muhâl eylemişem
Dembedem pârelesin bağrımı efşân etsin
Kânımı gamze-i dildâra helâl eylemişem
Kânımı gamze-i dildâra helâl eylemişem
Varmazam medreseye tutmazam akvâl eteğin
Sâkin-i meykedeim terk-i cidâl eylemişem
Sâkin-i meykedeim terk-i cidâl eylemişem
Çekdi peymânemi vâiz dedi Allah Allah
Cehlden kürsîde bî-ma’nâ makâl eylemişem
Cehlden kürsîde bî-ma’nâ makâl eylemişem
Câm-ı serşârım ile düşdü ayağdan sermest
Hâce-i medreseye gör ki ne hâl eylemişem
Hâce-i medreseye gör ki ne hâl eylemişem
Tutmuşum şâm u seher kâse-i serşâr eteğin
Girmişim meykedeye kesb u kemâl eylemişem
Girmişim meykedeye kesb u kemâl eylemişem
Kani erbâb-ı saadet kanı ashab-ı safâ
Vermişim câma cilâ ve mey-i zülâl eylemişem
Vermişim câma cilâ ve mey-i zülâl eylemişem
Nigârî
Hiç yorum yok:
Yorum Gönder