Sinan ÇULUK
Belge Metni:
bihi
Yıldız Saray-ı Hümayunu
Başkitabet Dairesi
Macarlı muʽallim-i meşhûr Mösyö Vamberi Macaristan târîhine müteʽallık bazı kuyûd ve evrâk-ı atîkanın tetebbuʽ ve taharrîsi içün Topkapı Sarayı Hümayunu’nda Maliye ve devâir-i sâire evrâk-ı atîkasının hıfzına mahsûs mahalle azîmet etmiş ise de lüzûmu olan evrâkı mütâlaʽa ve istinsâh edebilmesi emr-i mahsûsa mütevakkıf idüğü me’mûru tarafından ifâde kılındığını beyân ile me’mûr-ı mûmâileyh hâzır olduğu halde yalnız Macaristan târîhine taʽalluku olan evrâkı mütâlaʽa ve istinsâh edebilmesine istidʽâ-yı müsâʽade eylemiş olup sûret-i istidʽâ nezd-i âlîde karîn-i isʽâf olmasıyla o vechile me’mûr-ı mûmâileyhe emr iʽtâ etdirilmesi irâde ve fermân buyurulmuşdur. Ol bâbda emr u fermân hazret-i veliyyü’l-emrindir. Fî 12 Safer sene 308 Fî 15 Eylül sene 306 [27 Eylül 1890]
Ser-Kâtib-i Hazret-i Şehriyârî
bende
Süreyya
Hiç yorum yok:
Yorum Gönder